Tuesday, November 08, 2005

!السهل الممتنع

أنا كنت فاكر إن الموضوع ده سهل وعبيط ، بس إتضح لى إنه مش بالسهولة التى يبدوا عليها ... على العموم ده إل عندى :

seven things i plan to do

أحصل على رخصة القيادة
أعيش فى أسكندرية أو مطروح – أصل أنا بموت فى البحر
أبطل أحلام اليقظة

أخس شوية

أكفل يتيم

أكمل دراستى

seven things i can do

أعمل مكرونة بشاميل معاها ضمان بسلامة أصابعك بعد أكلها
أسمع أغنية حلوة يا بلدى لداليدا مئات المرات بلا توقف
أن أعصر على نفسى لمونة وأسمع واحد بيضان دون أن يبدو على الملل
أن أبدو هادئاً وأنا أكاد أحترق من الغليان
أن أعيط وأنا بشوف فيلم مؤثر "فى الخباثة"
أن أشرب شاى باللبن علية قرفة وفلفل أسمر وحبهان وقرنفل وأن مستمتع
أن أكون طفلاً مع الأطفال

Seven things i can’t do

أن أترك المدنية والدنيا كلها وأعيش فى الصحراء بجوار البحر ولا أصحب معى شئ
أن أكون طبيعى عندما أسمع "أنت عمرى" لأم كلثوم أو" يا خلى القلب" لعبد الحليم
أن أحب الحزب الوطنى أو رجال الشرطة
أن أرى طفلاً ولا تملأ الفرحة قلبى
أن أسمع محرم فؤاد أو هانى شاكر
أن أرى إبراهيم سعيد فى الملعب
أن أتخذ من التمثيل مهنة

Seven things i say most often

لا حول ولا قوة إلا بالله
! Shit ... أستغفر الله ... الحمد لله ( تكون متلازمه عندى هكذا بالتتالى عندما يحدث شئ )
ليه يا مولانا
ده عند أم ترتر (حاجة كده زى فى المشمش)
أحياناً ... أعتقد ... على ما أظن ... الله أعلم !
ده عيل بُضُن ( من البيضة والأسم منها بضين والجمع بيضان و بضن)
خ خ خ خ خ فوووووووو خ خ خ خ خ فوووووووو ( ده لما بشوف فيلم عربى أو أفشخانة )
يا باززز ( يا باى يعنى )

Seven people i want to pass this tag to

إبليس
رومانتيك روز – مرحب بكى أذا أردت كتابتها عندى
رئيس حزب العواطلية – شادى
المصرى

كل من لم يكتبها بعد ...

14 Comments:

At 9/11/05 00:45, Blogger Bent Masreya said...

عايز تخس وعايز تعمل مكرونة بالباشميل؟؟؟؟؟؟

:)
وبعدين ايه حكاية ان رومانتيك تكتبها عندك دى؟ احنا هنقطع على بعض؟ عايز تاخد الزبون؟

 
At 9/11/05 07:31, Blogger مــهــــاجـــر said...

قولى إنك مش عارفة تعملي المكرونة من الآخر
:)
على العموم الوصفة مجاناً لمن يأتى بضحية أقصد زبون معاها وبعدين أنا ما قلتش إنى "عاوز أعملها" ، بلا فخر أنا عملتها مرات وفى كل مرة كانت الضحية واقعة من الجوع وبالتالى محدش بيتكلم إلا بعد ما يشبع
:)
وبعدين رومانتيك روز ممكن تآكل عندى وبعدين تحلى عندك ... إيه رأيك ؟ قسمة العدل

 
At 9/11/05 17:47, Blogger Ahmed Shokeir said...

والله أم ترتر دى بأه عندها حاجات كتير أوى.. بتشيل كتير

هو إنت عايز تطلع رخصة ولا تتعلم قيادة ولا عايز الإتنين ؟

 
At 10/11/05 07:31, Blogger مــهــــاجـــر said...

والله يعنى .. يعنى أنت عارف تتعلم أولاً ثم الرخصة ولكن فية نوعية من الضباط ممكن يسقطك بمجرد أن تدّور العربية ... تصدقها دى ؟ أعرف واحد حدث معه ذلك ...

 
At 10/11/05 20:30, Blogger Romantic Rose said...

مهاجر باشا .. انا هاكل المكرونه و هأمن علي صوابعي " بس يا رب ما تطلعش شبه المسقعه بتاعت فيلم صغيره علي الحب " و هتبقي اخر عكايه قبل الدايت المتين .. اما عن الحلو و السبعات فهاخدهم عند زيزي ان شاء الله .. انا عايزه كريم كراميل و فروت سلاط .. و السبعات .. فبالرغم من ان محدش سماني بس اللعبه عجبتني و قررت اني العبها .. و الله انا كاتباهم من تاني يوم العيد بس ماكنتش فاضيه ابعتهم لزيزي .. و علي فكره انا مسمياك فيهم بس انت سبقتني و سمتني .. اما عن سبعاتك .. فميه ميه .. ادي سبعات المدونين .. اقترح ان حد يجمع سبعات المدونين دي كلها و ينزلها ف بوست واحد .. و الله هتبقي روشه .. ولا ايه ؟

 
At 12/11/05 08:45, Blogger مــهــــاجـــر said...

" كريم كراميل و فروت سلاط" مين دول ؟؟

:)

خلاص يا ستى نعمل بوست بالشكل ده ونسمية سبعاوى
:)

 
At 13/11/05 21:56, Blogger shady said...

مهاجر شكرا على الاهتمام اما بالنسبه للعبه ما ينفعش العبها فى مدونتى علشان العواطليه حيعتبروا انى استغليت الحزب لحسابى الشخصى ههههه والاجابه اهى يا سيدى

للسبعه اللى بخطت لهم فهى :
اقناعه أن يبيع الارض وغالباً فى المشمش
ما نساش أشترى العربى والكرامه
اروح الكافتريا النهارده بليل
انتخب مرشح الاخوان المسلمين(المعارض اللى حيلتنا)
احمل اى فيلم غير امريكى من بلوج الافلام اللى لقيته امبارح
اعدى على اشرف بليل برضو
اجيب لدودو شيكولاته واعدى عليه برضو بليل
اما السبع حاجات اللى اقدر اعملهم
أدون
أتفرج على التلفزيون
أشرب شيشه
أقرا جرايد المعارضه
اشتم النظام ورموزه طول الوقت وفى اى مكان
إقناع صحابى أن أنتخاب أى مرشح للوطنى خيانه عظمى
استيقظ عندما اريد وانام عندما اريد
السبعه اللى ما قدرش اعملهم
ان احبها بالرغم من ان امى تحبها
إقامة علاقه عاطفيه حقيقيه على الاقل فى الوقت الحالى
اقعد مع احمد واشوفه
اضرب حسنى بالنار
ارجع ايام الكليه
الا اتحدث فى السياسه
الاستماع الى كلام مش عاجنى
اما بالنسبه للسبعه اللى بقولهم
الله يرحمك يا ابو خالد
دى عالم حراميه يابا
انا راسى حتنفجر
يادى النيله
قرفاااااااااااان
ماشى
يا عم واحنا مالنا
بالنسبه للمدونين اعتقد ان الجميع لعب اللعبه

 
At 13/11/05 21:56, Blogger shady said...

مهاجر شكرا على الاهتمام اما بالنسبه للعبه ما ينفعش العبها فى مدونتى علشان العواطليه حيعتبروا انى استغليت الحزب لحسابى الشخصى ههههه والاجابه اهى يا سيدى

للسبعه اللى بخطت لهم فهى :
اقناعه أن يبيع الارض وغالباً فى المشمش
ما نساش أشترى العربى والكرامه
اروح الكافتريا النهارده بليل
انتخب مرشح الاخوان المسلمين(المعارض اللى حيلتنا)
احمل اى فيلم غير امريكى من بلوج الافلام اللى لقيته امبارح
اعدى على اشرف بليل برضو
اجيب لدودو شيكولاته واعدى عليه برضو بليل
اما السبع حاجات اللى اقدر اعملهم
أدون
أتفرج على التلفزيون
أشرب شيشه
أقرا جرايد المعارضه
اشتم النظام ورموزه طول الوقت وفى اى مكان
إقناع صحابى أن أنتخاب أى مرشح للوطنى خيانه عظمى
استيقظ عندما اريد وانام عندما اريد
السبعه اللى ما قدرش اعملهم
ان احبها بالرغم من ان امى تحبها
إقامة علاقه عاطفيه حقيقيه على الاقل فى الوقت الحالى
اقعد مع احمد واشوفه
اضرب حسنى بالنار
ارجع ايام الكليه
الا اتحدث فى السياسه
الاستماع الى كلام مش عاجنى
اما بالنسبه للسبعه اللى بقولهم
الله يرحمك يا ابو خالد
دى عالم حراميه يابا
انا راسى حتنفجر
يادى النيله
قرفاااااااااااان
ماشى
يا عم واحنا مالنا
بالنسبه للمدونين اعتقد ان الجميع لعب اللعبه

 
At 13/11/05 21:57, Blogger shady said...

مهاجر شكرا على الاهتمام اما بالنسبه للعبه ما ينفعش العبها فى مدونتى علشان العواطليه حيعتبروا انى استغليت الحزب لحسابى الشخصى ههههه والاجابه اهى يا سيدى

للسبعه اللى بخطت لهم فهى :
اقناعه أن يبيع الارض وغالباً فى المشمش
ما نساش أشترى العربى والكرامه
اروح الكافتريا النهارده بليل
انتخب مرشح الاخوان المسلمين(المعارض اللى حيلتنا)
احمل اى فيلم غير امريكى من بلوج الافلام اللى لقيته امبارح
اعدى على اشرف بليل برضو
اجيب لدودو شيكولاته واعدى عليه برضو بليل
اما السبع حاجات اللى اقدر اعملهم
أدون
أتفرج على التلفزيون
أشرب شيشه
أقرا جرايد المعارضه
اشتم النظام ورموزه طول الوقت وفى اى مكان
إقناع صحابى أن أنتخاب أى مرشح للوطنى خيانه عظمى
استيقظ عندما اريد وانام عندما اريد
السبعه اللى ما قدرش اعملهم
ان احبها بالرغم من ان امى تحبها
إقامة علاقه عاطفيه حقيقيه على الاقل فى الوقت الحالى
اقعد مع احمد واشوفه
اضرب حسنى بالنار
ارجع ايام الكليه
الا اتحدث فى السياسه
الاستماع الى كلام مش عاجنى
اما بالنسبه للسبعه اللى بقولهم
الله يرحمك يا ابو خالد
دى عالم حراميه يابا
انا راسى حتنفجر
يادى النيله
قرفاااااااااااان
ماشى
يا عم واحنا مالنا
بالنسبه للمدونين اعتقد ان الجميع لعب اللعبه

 
At 14/11/05 15:06, Blogger مــهــــاجـــر said...

ماشى يا عم شادى ...

إيه رأيك تتبنانى وتعتبرنى دودو ؟؟ هتكسب ثواب فى مدمن شكولاته
:)

 
At 5/2/07 08:24, Anonymous Anonymous said...

Very cool design! Useful information. Go on! Topamax combinations migraines Kia cerato 1.5 street rod & custom automobile insurance brutal gay gangbangs 1984 bmw used auto parts Online+masters+degree+in+international+relations Ford price truck used 1901 benz mcse courses Foam waterbed Replace a snowmobile seat cover Programs free fax software Affect lamictal side Acne lo ortho tricyclen

 
At 15/3/07 05:21, Anonymous Anonymous said...

best regards, nice info »

 
At 15/10/12 12:47, Anonymous العاب said...

well done

 
At 8/11/12 10:55, Anonymous العاب فلاش said...

nice blog

 

Post a Comment

<< Home